Näin hoito toimii

Jos tulet sairhaaksi, tärväinyt eli tarttet neuvoa sinun terhveyvestä sie käänyt ensi käessa sinun hoitosentraalhiin. Jos tarttet siukkahoijonneuvontaa sie saatat kans soittaa 1177 Hoito-ophaan (Vårdguiden) telefuunin kautta.

Soita numerhoon 1177 kun tarttet neuvoja hoijosta

Hoito-ophaan 1177 sie saatat soittaa vuorokauen ympäri ja saa neuvoja hoijosta. Tänne sie soitat kans jos olet epävarma minne piät kääntyä hoijossa. Sivula 1177.se sie löyät kans kontaktitietoja hoitosentraalhiin ja saatat nähhä kellä on auki ilta- ja pyhäaikona.

Sivula 1177.se on tietoja kansalisilla vähemistökielilä.

1177.se

Kontaktaa sinun hoitosentraalin jos tulet kipeäks

Hoitosentraalissa on henkilökuntaa joila on laaja pätevyys hoitaa tavalisimpia sairhauksia, kruunisia sairhauksia, suuren osan lasten ja vanheemitten sairhauksia, psyykkisiä epäterhveyksiä ja eri vahinkoja.

Täälä sie saat ensi arvostelun sinun vaivoista. Jos tarttet lisähoitoa sie saat remissin lääkärhiin joka on spesialisti alalansa, esimerkiks iholääkäri, orttopeeti eli psykiaatteri.

Monessa maakäräjässä, kuin Skåessa, mennee suorhaan tilata aikaa spesialistilääkärhiin, ilman remissiä. Jokku vasthaanotot haluavat sillon ette sie kirjotat sellaisen omaremissin eli oman hoitopyynön.

Soita 112 jos tarttet akyyttiä hoitoa

Jos tulet akyytti sairhaaksi eli vakavasti loukkainut, soita 112, eli mene lähhiimphään akyytti vasthaanothoon.

Fick du hjälp av informationen på sidan?

Tack för att du hjälper oss att förbättra webbplatsen!

Berätta gärna vilken information som är fel eller saknas genom att skicka en synpunkt till webbredaktionen.

Tänk på att webbredaktionen inte kan svara på eventuella frågor som du ställer här.

Tack för din hjälp att förbättra webbplatsen, dina synpunkter har skickats till webbredaktionen.