Meänkieli (tornedalsfinska) – Region Skånesta

Vuesta 2012 Region Skånessa on käynissä oleva työ ette soveltaa lakia kansalisista vähemistöistä ja vähemistökielistä. Region Skåne julkasee lukumäärä tekstiä tunnustetuila viielä kansalisilla vähemistökielilä meän toiminasta ja meän tehtävistä.

Lain mukhaan joka koskee kansalisia vähemistöjä ja vähemistökieliä (SFS 2009:724) Ruottin hallintoaluevirastot pitävät ilmottaa kansalisille vähemistöile heän oikeuksista.

Ruottin viiet tunnustetut kansaliset vähemistöt on juutalaiset, roomit, saamelaiset (jokka kans on alkuperäkansa), ruottinsuomalaiset ja tornionlaaksolaiset. Histuurialiset vähemistökielet on jittish, romani chib, saame, suomi ja meänkieli. Kaikki viis kansaliset vähemistöt sisältyvät lakhiin.

Se on jokhaisele henkilöle ette päättää jos sitä kuuluu yhteen näihiin kansalishiin vähemisthöin eli ei. Kysymys on minkä ryhmän kans sitä identtifieeraa ittensä ja tuntee yhteenkuuluvuutta.

Sen lisäks ette kääntää tietoja Region Skåne informeeraa valittuja luottamushenkilöitä ja pomoja lain vaatimuksista, ja nostaa esile kansalisten vähemistöitten kulttuuria Region Skånen kulttuuriplaanhiin.
Katto lissää meän toimintasuunitelmasta

Suomen kielen hallintoalue

1 febryaaria 2015 Region Skåne kuuluu suomen hallintoalueesheen. Tämä on sen jälkhiin kun kaks kuntaa: Malmö ja Trelleborg, hait hallitukselta ette saa liittyä hallintoaluesheen. 

Se merkittee ette henkilöt jokka kuuluvat ruottinsuomalaisheen porukhaan on saahneet vahvistettuja oikeuksia kun on kyse ette käyttää suomea sekä suulisissa ette kirjotetussa kontaktissa Region Skånen kans. Sen takia Region Skåne pittää muun muassa valvoa ette on henkilökuntaa jokka hallittevat suomea.

Tack för att du kontaktar oss, vi har tagit emot dina synpunkter